NPM – Nacionalnikano vizitakoro organi

Taro o 1 juli 2011 o JO tano jekh jekhipe e bučaja te pazinen o manuša ko phanlipe na izložinenape ko bišukar, bimanušikano, ja aver ponižimo tretiribe ja kaznibe. I buti bazirinelape ko 2002 beršeskoro fakultativikano/dobrovoljno protokoli ko Khedime naciengiri konvencia protiv tortura ja aver bimanušikano tretiriba (Opcat). O protokoli zahtevinela e phuvjen te ovel jekh nacionalnikano sistemi, National Preventive Mechanism (NPM) – ko švedikane akharelape Nacionalnikano vizitakoro organi – te šaj te pazinel o pučibe. NPM-edinica ko JO redovno ka inspektirinel o thana ki Švedia kote o manuša tane phanle ja lišime tari sloboda, ka raportirinen tari i vizita hem te učestviunen ko internacionalnikano sorabotiba ko akava than.