Ketä JO saattaa tarkistaa

JO pittää valvoa ette julkinen valta suoritethaan lain ja säänöitten mukhaan. JO:n tehtävä on ette tarkistaa ruottin viranomaisia – ei privaatti yrityksiä eli pulitiikkeriä luottamustehtävissä.

JO:n valvonan alla on

• valtion viranomaiset (tuomioistuimet kans)
• kunnaliset ja maakäräjänkunnalisia viranomaisia
• virkamiehiä valtion, kunnan ja maakäräjäkunnan viranomaisissa
• muut jokka on saanheet luottamuksen harjottaa viranomaisena (viranomaisen harjottaminen merkittee päätöksentekoa eli muuta toimintaa jokka viittavat ette net on osana yhteiskunnan toimivallasta suhteessa kansalaishiin) 

JO:n valvonta ei sisälä

• luottamustehtävissä olevia henkilöitä, siis hallitus ja yksityisiä ministeriä, valtiopäivän eustajia, kunnan eli maakäräjän valtuuston eustajia
• jystitiekansleri (JK)
• valtion puulaakia ja säätiöitä (jos valitus koskee käsittelyä ette saa ulos ylheisiä tokymenttiä sillon saattaa välistä valittaa)
• kunnalisia puulaakia ja säätiöitä (sama kun valtion puulaakia ja säätiöitä, katto ylhäälä)
• meetia: avisia, raatiu, teevee
• privaattia yrityksiä, kun esimerkiks pankkia, vakkuutuspuulaakia, atvokaattia ja privaatti toimivia lääkäriä.